Dear Manong Taxi Driver na Nanghihingi ng dagdag na bayad sa nakatala sa metro,

Manong, wats up? Bakit naman ganyan agad ang hirit niyo? Ni hindi ko pa nga naipapasok buong katawan ko sa taxi e hiniritan niyo na agad ako ng pang-aabuso. Time out naman mehn. Araw-araw na nga tayo parehong inaabuso ng mga pulitikong nagkukunwariang sila ang ating mga bagong bayani, nakikidagdag pa kayo. Bakit naman, manong? How did it come to this?

Sabi niyo trapik kasi kaya sana dagdagan ko na lang yung bayad ng kahit sampung piso. Wait lang manong ha, tingnan natin yung lohiko ng iyong sinabi. Hindi ko alam na binabayaran na pala ngayon ang trapik. Ano yan, E-VAT? Manong naman! E di ba tumatakbo pa rin naman yung metro kahit nakahinto yung sasakyan? Kaya nga napapakagat-kuko yung mga pasahero pag naiistuck sa trapik kasi tiyak mahal bayad niyan. Tapos papadagdagan niyo pa? Manong, alam niyo po ba ang konsepto ng metro? Ha?Ha?Ha??!

Tapos buti kung nakapaka-ayos niyong mag-drive. Aba, daig niyo pa ang teen-ager na nakainom. Ano ba yun! Manong, tayo po ay nasa pampublikong kalsada, hindi race track. Hindi po ferrari ang inyong sasakyan. And what's more, mga tao po iyang sinasagi-sagi niyo. Yes, human beings. May buhay po sila. Hindi po sila roadblock. Husme manong, nagkaroon bigla ako ng motion sickness sa pinaggagawa niyo.

Buti kung yan lang ang mga pagkukulang niyo e. Subalit bakit hindi niyo naman alam kung paano pumuntang city hall ng Mandaluyong? Why? Bakit po ako ang tinatanong niyo? Aba, kung hindi lang nakadikit sa leeg ko yung ulo ko e hindi ko na alam kung saan napunta. Ganyan po kalala ang aking sense of direction. E kung sabihin kong pupunta akong Mars, tatanungin niyo rin po ako kung saan yun? Manong, mehn, it's time to change. Ang inyo pong trabaho ay dalhin ang mga tao sa kanilang patutunguhan, hindi iwala. Or patayin for that matter.

Hay manong, bakit tayo nagkakaganito? Ano po ba ang problema? Bakit po kayo nang-aasar ng mga pasahero? Dahil po ba sa temperatura? Hindi po ba kayo binabayaran ng maayos ng boss niyo? Naiintidihan ko manong, lahat po tayo ay may mga sari-sariling pagdurusa, pero sana naman po wag nating kalimutan ang tama sa mali. Manong, listen to your heart. What would your mother say? What would Jesus do? Why does the sun go on shining?

Ayan manong konti na lang ay makakapagtula na ako. Pasalamat ka manong pagod na pagod na rin ako at wala ako sa mood na sabunutan kayo. Sa susunod, magdala kayo ng mapa ng Maynila.

Hope to never be sideswept by you,
Annoyed Passenger